Велотрек туралы

Республикалық велотрек – велошабандоз шлемі түрінде жасалған, ерекше спорт ғимараты, әлемдегі ең үздік спорт кешендерінің бірі ретінде танылған.

Ол 2011 жылы тұрғызылды. Велотрек Астана қаласындағы Есіл өзенінің сол жақ жағалауында орналасқан. Велотректің жалпы ауданы – 44 957 ш.м, мұз сырғанағы – 4188 ш.м.,қазандық бөлмесі 636,5 ш.м., энергия блогы- 316,4 ш.м. Велотректің ішіне: трек, мұз сырғанағы, қонақ үй, мейрамхана, фитнес орталығы, кеңсе бөлмелері, конференц залдары, бокс залы, гимнастика залы, ойын залы және мини футбол алаңдары кіреді.

Ғимараттың әмбебаптығы, 2-3 күннің ішінде аренаның қызметін толық өзгерту мүмкіншілігінен тұрады. Қандай да іс шараны өткізген жағдайда трек ортасының кеңістігі іс шараның ерекшелігіне байланысты жабдықталады. Бұл бокс рингі, дзюдоға арналған татами, гимнастикалық кілем, баскетбол немесе концерт алаңшасы болуы мүмкін.

Трек - велотректің тағы бір ерекшелігі болып табылады.Ол ағаш жабынымен қапталған. Ағаш түрі – сібір балқарағайы. Кенепті төсеу үшін барлық ағаштарды алдын-ала 2 жыл арнайы камераларда ұстады және қалып өзгеруден ағашты сақтау үшін арнайы химиялық қоспамен өңделді. Жабынның ұзындығы 250 м, ені 7м. Велошабандоздардың жайлылығы үшін тректің бұрылыста 42 градус және тура телімдерде 12,5 градус еңісі бар.Велотректегі қозғалыс үнемі сағат тіліне қарсы бағытта жүргізіледі.

Нысанның сыйымдылығы 9195 отырғызу орнынан тұрады.

 

наверх