«Велосипед спортынан олимпиадалық даярлау орталығы» (бұдан әрі – Орталық) Республикалық мемлекеттік қазыналық кәсіпорны (РМҚК) Қазақстан Республикасы Үкіметінің 2007 жылғы 04 мамырдағы № 359 қаулысымен құрылған. Орталық бастапқыда Алматы облысының Талдықорған қаласында орналасқан және   Алматы қаласында оның филиалы ашылған болатын.  Қазақстан елордасы - Нұрсұлтан қаласына (Астана) 2014 жылдың желтоқсанында көшіріліп, велошабандоздың дулығасына ұқсас салынған  көпфункционалды спорт кешені - "Сарыарқа" велотрегінде орналастырылды.

Орталық қызметінің мақсаты велосипед спорты бойынша  резервті және ұлттық құрама командаларды сапалы даярлау - Қазақстан Республикасының жастар, жасөспірімдер және юниорлар құрама командаларын дайындауды қамтамасыз ету. Сонымен қатар, спорттық құрылғылар мен жабдықтарды тиімді пайдалану, бұқаралық дене шынықтыру-спорттық қозғалысты дамытуға қатысу, жыл бойы Қазақстан Республикасының штаттық құрама командаларын және спорттық резервті спорт түрлері бойынша орталықтандырылған дайындауды жүзеге асыру, халыққа дене-шынықтыру-спорттық қызметтерді көрсету міндеттері жүктелген.

Орталық базасында велосипед спортының 11 бағыты бойынша Қазақстан Республикасының ұлттық спорт командаларының жастар және юниорлар құрамын жыл бойы орталықтандырылған дайындық жүргізіледі. Жас спортшылар велосипед спортының келесі түрлері бойынша дайындықтан өтеді: юниорлар (тасжол), юниорлар (трек-спринт), юниорлар (трек-темп), юниор қыздар (тасжол, трек), жасөспірімдер (тасжол, трек, маунтинбайк), қыздар (тасжол, трек, маунтинбайк), андеры (әйел адамдар), маунтинбайк, жастар құрамы (трек-темп), жастар құрамы (трек-спринт). 2019 жылы 1 маусымда Орталық спортшыларының жалпы саны 138 адамды құрады.

Орталық базасында, яғни «Сарыарқа» велотрегінде,  орналасқан бірқатар спорттық мекемелер мен ұйымдар өз жаттығуларын өткізеді: «Жұлдыз» көркем гимнастика мектебі, №6 ОРСБЖМ (велоспорт), №2 ОРБЖМ (мәнерлеп сырғанау), Мұнайтпасов атындағы мектеп, облыстың балалар-жасөспірімдеп мектептері (велоспорт), «Астана» кәсіби баскетбол клубы, шорт-тректен Қазақстанның жастар құрамасы, «ВелоЦентрАстана» ЖШС, «Ice stars» мәнерлеп сырғанау мектебі» ЖШС, «Astana Diamond skates» жеке меншік мекемесі, ұлттық триатлон құрамасы және триатлон федерациясы.

Халықтың әлеуметтік осал топтарына спорттық қызметтер көрсету бойынша біршама жұмыстар жүргізіледі. ҚР «Қазақстан Республикасында мүгедектерді әлеуметтік қорғау туралы» заңын орындау және мүгедектерге өмір сүру және қоғамға қосылуға тең мүмкіндіктер жасау үшін Орталық әкімшілігі мүгедектердің қоғамдық бірлестіктерімен серіктестікте жұмыс жасайды.

Қазақстан Республикасының 2025 жылға дейінгі Дене шынықтыру және спортты дамыту тұжырымдамасын жүзеге асыру және халық арасындағы бұқаралық спорттық қозғалысты дамыту мақсатында Орталық базасында жүзу, көркем гимнастика, мәнерлеп сырғанау, шағын футбол, велоспорт, таеквондо және басқа да түрлер бойынша секциялар жұмыс жасайды және «Сарыарқа» фитнес-орталығында спорт және дене шынықтыру әуесқойлары жиналады.