24-29 тамыз аралығында «Сарыарқа» республикалық велотрегінде осы жаздың ең маңызды спорттық шарасы - велоспорттан Қазақстан Республикасының чемпионаты өтіп жатыр. 15-16 жас аралығындағы жасөспірім ұл-қыздар спринт және темп түрлері бойынша бақ таластыруда.

Чемпионатқа 100-ден астам адам қатысуда. Спортшылар Алматы, Шымкент қалаларынан, Ақмола, Алматы, Жетісу, Қарағанды, Қостанай, Қызылорда, Павлодар, Шығыс, Батыс және Солтүстік Қазақстан облыстарынан келіп отыр. Астана қаласының намысын 22 велошабандоз қорғайды.

Ел біріншілігі күн сайын таңғы сағат 9-да басталып, кешкі 17:00-ге дейін жалғасады. Мәре сызығын бірінші болып кескен спортшыларға медаль, грамоталар табысталады. Айта кетсек, марапаттау рәсімі күн сайын сағат 13:15-те өтеді.