2021 жылдың 24 тамыз - 5 қыркүйек аралығында XVI жазғы Паралимпиадалық ойындары Японияның астанасы Токиода өтеді. Қазақстан тарапынан 26 параспортшы 7 спорт түрі бойынша қатысып, ел намысын қорғайды.

Қазақстандық спортшылар Токио-2020 Паралимпиадалық ойындарына жүзуден 7 жолдама, дзюдодан 7 жолдама, пауэрлифтингтен 5 жолдама, таеквондодан 3 жолдама және жеңіл атлетикадан 2 жолдама ұтып алды. Оған қоса, пара каноэдан және пара нысана көздеп ату спорт түрлері бойынша Паралимпиадалық ойындарға алғаш рет Қазақстан атынан спортшылар жолдама алды.    

Токио-2020 Паралимпийадалық ойындарында Қазақстанның туын пара таеквондодан екі дүркін әлем чемпионы, үш дүркін Азия чемпионы және екі дүркін Еуропа чемпионы Нұрлан Домбаев пен Рио-2016 XV Паралимпиада ойындарының күміс жүлдегері Қойшыбаева Раушан көтеріп шығатын болды.

Токио 2020 – бұл Қазақстан Республикасының параспортшылары қатысып отырған алтыншы Жазғы Паралимпиадалық ойындары. 1996 жылдан бері Қазақстан атынан Паралимпиадалық ойындарына алғаш рет жиырмадан артық спортшылар жолдама алып отыр. 

Токио – 2020 Паралимпиадалық ойындарына Қазақстан Республикасының құрама командасы:

Жүзу:

1. Жұмағали Нұрдаулет
2. Советқанов Нұрали
3. Далиев Сиязбек
4. Салимгереев Ержан
5. Габидулина Зульфия
6. Агалаков Роман
7. Рахимбекова Алия

Жеңіл атлетика:

1. Мұқашбеков Дастан
2. Абылқасымқызы Салтанат

Дзюдо:

1. Аманжол Жанбота
2. Байбатина Зарина
3. Даулет Темиржан
4. Федосова Даяна
5. Сариев Ануар
6. Смағұлұлы Ғалымжан
7. Утепов Ерлан  

Каноэ:

1. Спатай Бибарыс

Таеквондо:

1. Домбаев Нурлан
2. Өміралі Нышан
3. Досмалова Кәмиля

Пауэрлифтинг:

1. Дегтярев Давид
2. Қойшыбаева Раушан
3. Хамаев Рахмеджан
4. Абдыхалыкова Гульбану
5. Солодухина Алина

Нысана көздеп ату

1. Джумабаева Айсулу