Жаңалықтар
Велоспорттан ҚР Ұлттық Чемпионаты өтеді
2018 жылдың 16-19 қазан аралығында «Сарыарқа» велотрегінде омниум және спринт түрі бойынша велосипед спортынан Қазақстан Республикасының Ұлттық Чемпионаты өтеді. Жарыс халықаралық UCI және Қазақстан Республикасының ережесіне сәйкес ұйымдастырылады.
Омниум – велоспорттың шеберлері мен әуесқойлары арасындағы ең қызықты спорттың бірі болып табылады. Елімізде аталған спорт түріне ерекше көңіл бөлінеді. Омниум – гит, ұпай бойынша топтық жарысынан, шығып қалу және жеке қуалау жарысынан тұрады.
Спринт – велоспорттың ең ескі түрі. Оған біліктілік сайыстарында іріктелген 2 және 4 спортшы қатысады. Мәре сызығын бірінші кескен велшабандоз жарыс жеңімпазы болып танылады.
Спорт сүйер қауым үшін есігіміз ашық!
Велосипед спортынан олимпиадалық
даярлау орталығының баспасөз қызметі