Жүріс-тұрыс ережелері

«Сарыарқа» мұз айдынында келушілердің, жанкүйерлердің және өзге де тұлғалардың жүріс-тұрыс ережелері

1. Жалпы ережелер

1.1. «Велосипед спортынан олимпиадалық даярлау орталығы» РМҚК мұз айдынында келушілердің, жанкүйерлердің және өзге де тұлғалардың жүріс-тұрыс ережелері (бұдан әрі-Ережелер) мұз айдынының (бұдан әрі - Мұз айдыны) аймағындағы тұлғаларға (келушілер) қатысты.

1.2. Мұз айдынының барлық к келушілері, жанкүйерлері, оның ішінде спорттық жарыстардың және басқа іс-шаралардың қатысушылары, сонымен қатар мұз айдынының қызметкерлері осы Ережелердің талаптарын сақтауға міндетті.

1.3. Жаппай сырғанауға келушілер мен мәнерлеп сырғанау секцияларының тәрбиеленушілері, шорт-тректің спортшылары өзінің денсаулық жағдайына және физикалық дайындығына қарай Мұз айдынына келу мүмкіндігінеи ие болады. Әкімшілік сырғанаушылардың денсаулығы, мұз айдынындағы жазатайым оқиғалар мен жарақаттар үшін жауап бермейді.

1.4. Мұз айдынының келушілері басқа келушіге тигізген зияны үшін жауапты болады.

1.5. Мұз айдынының әкімшілігі маусым аралығында жұмыс сағаттарын өзгертуге құқылы.

1.6. Мұз айдынының әкімшілігі өз аумағында музыкалық сүйемелдеуді таңдауға құқылы. Егер музыкалық сүйемелдеу Сізге кедергі жасайтын болса, өзіңізбен құлаққапты алып, оны қолдануға құқылысыз.

1.7.Мұз айдынының жабдығын (конькилер, киім-кешектер) жоғалтқаны және бұзғаны үшін материалдық жауапкершілікті келуші өз мойнына алады.

2. Мұз айдынына келіп-кету тәртібі

2.1. Мұз айдынына 12 жасқа дейінгі балалар арнайы басты қорғауға арналған дулығамен және ересектердің ертуімен ғана кіреді. Себебі ересектер олардың жүріс-тұрысы мен Мұз айдынының келіп-кету ережелерін сақтағаны үшін жауап береді. Жаттығу өткізіліп жатқан уақытта ересектердің тәрбиеленушілермен бірге жүруі міндетті емес, келушілер күту залында күте алады.

3. Келушілердің Мұз айдынындағы құқықтары

3.1. Мұз айдынының аймағына тек әкімшіліктің рұқсатымен және арнайы билеттер мен құжаттар арқылы кіруге, бұқаралық іс-шаралар өткізілетін уақытта нысанға ( өткізілетін іс-шараға байланысты ) еркін кіруге;

3.2. Алынған билеттерде немесе оларды алмастыратын құжаттарда көрсетілген орындарды алуға;

3.4. Мұз айдынының аймағында орналасқан дәретханаларды, гардеробты, буфеттерді белгіленген тәртіпте қолдануға;

3.5. Мұз айдынында жеке заттарды және киімді қараусыз қалдырмауға. Жоғалған және қараусыз қалдырылған заттар үшін Мұз айдынының әкімшілігі жауап бермейді;

4. Мұз айдынына келушілердің міндеттері

4.1. Қоғамдық тәртіпті және жалпы қабылданған ережелерді қатаң сақтау және қолдау;

4.2. Жарыстардың, басқа да іс-шаралардың қатысушыларына, төрешілерге, жаттықтырушыларға, көрермендерге және мұз айдынының қызметкерлеріне қатысты өзіндік әдепті ұстау, сондай-ақ қоршаған ортаға қоғамдық қауіпті туғызатын іс-қимылдарды жасамау;

4.3. Мұз айдынының аймағындағы құрал-жабдықтар мен мүлікке ұқыпты қарау, тазалықты сақтау, санитарлық-эпидемиологияға қарсы, өрт және экологиялық қауіпсіздік ережелерін сақтау;

4.4. Мұз айдынында ұйымдастырылған жарыстар немесе басқа да іс-шаралар аяқталғаннан соң, бөгде заттарды қалдырмай, уақытында мінбелерді және шығу жолдарын босату;

4.5. Күзет қызметкерлерінің, әкімшілік пен мұз айдынының аймағында тәртіп құқығын сақтау үшін жауапты тұлғалардың ескертуіне және талабына бағыну;

4.6. Мұз айдынына қатаң түрде қолғап (былғары, жүннен тоқылған) киіп шығу.

5. Мұз айдынының келушілеріне тыйым салынады:

5.1.Мұз айдынының аймағында есірткі, темекі шегуге және тыйым салынған заттарды қолдануға;

5.2. Мас күйінде жүруге, спиртті ішімдіктерді әкеліп ішуге;

5.3. Конькимен немесе басқа заттармен мұзды оюға, мұзға кез келген затты лақтыруға әрі шашуға, сұйықтық төгуге;

5.4. Жарысқа арналған конькимен, сырғытпа таяқтармен, шайбалармен, шаңғылармен, сонымен қатар конькисіз мұз айдынына шығуға;

5.5. Жылдам өртенетін, жарылғыш, пиротехникалық бұйымдарды, улы, иісі бар заттарды, шанышпалы және кесетін заттарды, ірі габаритті бұйымдар мен заттарды, шыны ыдысты, кез келген түрдегі қаруды және оқ-дәрілерді, түтіндету құтыларын, файерлерді, көрермендерге бөгет жасайтын басқа заттарды кіргізуге;

5.6. Мұз алаңына және оның айналасындағы кеңістікке, сонымен қатар көрермендерге, жаттықтырушыларға, төрешілерге, Клуб өкілдеріне, жарыстың қатысушыларына, құқық қорғау мүшесінің қызметкерлеріне, жарыс ұйымдастырушысының ресми тұлғаларына заттарды лақтыруға, іс-шараны өткізуге бөгет жасайтын басқа да қимылдарды жасауға;

5.7. Жаттығулар, жарыстар мен басқа іс-шаралар кезінде спорт алаңдарына, сонымен қатар спортшылардың, төрешілердің киім ауыстыратын бөлмесіне, қызметтік, қосалқы және басқа да бөлмелерге әкімшіліктің рұқсатынсыз кіруге болмайды.

5.8. Әлеуметтік, нәсілдік, ұлттық, діни, қоғамдық араздықты туындататын, адамның абыройына нұқсан келетін іс-қимылды жасауға;

5.9. Автокөлікті тыйым салынған орындарда қалдыруға;

5.10. Мұз айдынының аймағына жануарлармен және құстармен келуге;

5.11. Мұз айдынының кез келген құрал-жабдығын, мүлкін, безендендірілген элементтерін және қосымша аймағындағы жасыл көшеттерді жоюға, бұзуға, зиян келтіруге;

5.12. Мұз айдыны әкімшілігінің тиісті рұқсатынсыз жұмыстан тыс уақытта, сонымен қатар бұқаралық іс-шаралар аяқталғаннан кейін Мұз айдынының аймағында болуға;

5.13. Билеттерді қайта сатумен, сонымен қатар билеттерді алмастыратын құжаттарды, кәдесый ретінде сатумен айналысуға;

5.14. Кәмелеттік жасқа толмаған балаларды қараусыз қалдыруға;

5.15. Мұз айдынында суланып қалған киіммен жүруге;

5.17.Мұз айдынының музыкалық аппаратурасын өздігінен қолдануға.

6. Мұз айдынында қауіпсіздікті сақтауға арналған ұсынымдар:

6.1. Алға қарай дұрыс сырғанау үшін, екінші аяққа дене салмағын ауыстырып, бір конькидің қырымен тебіну қажет. Сырғанау кезінде тізе бүгілмелі, арқа түзу болу тиіс, сәл алға еңкеюге болады. Конькидің басымен ешбір жағдайда тебінбеңіз, тек қырымен.

6.2. Аяқтарыңызды иықтардан сәл кеңірек қойып, тізелеріңізді қатты бүгіңіз, арқаны сәл артқа шегіндіріп, аяқ ұшын және жіліңшік табанды ішке қарай сәл жазыңыз.

6.3.Жарақат алудан сақтану үшін резеңке аяқ жолдарымен жүру.

6.4.Сағат тіліне қарама-қарсы бағытта қозғалу.

6.5. Дұрыс құлау, (қырына немесе «балық» сияқты) құлаған кезде жанындағы адамды ұстамау;

Мұз айдынының әкімшілігі күдік туғызған немесе ережелерді бірнеше рет бұзған тұлғаға қызмет көрсетуден бас тартуға құқылы.

Мұз айдынының әкімшілігі және күзеті осы Ережелердің талаптарын бұзатын азаматтарды төленген қызметтер үшін алған ақшасын қайтармай, Мұз айдынының аймағынан қуып шығуға құқылы.

Мұз айдынында бос орынның болмауына байланысты, әкімшілік сырғанау сеансына билеттерді сатуды тоқтатуға құқылы.

«САРЫАРҚА» МҰЗ АЙДЫНЫНЫҢ ӘКІМШІЛІГІ СІЗДІҢ ЖАҚСЫ ДЕМ АЛУЫҢЫЗДЫ ТІЛЕЙДІ!