Қазақстан тарихында алғаш рет! Талантты велошабандозымыз Данияр Шаяхметов Әлем чемпионатында кейрин дисциплинасы бойынша күміс жүлдеге ие болды!

Бұл жетістік – тынымсыз еңбек пен кәсіби біліктіліктің жемісі. Данияр мен оның жаттықтырушысы Павел Воржевті осынау керемет жетістіктерімен шын жүректен құттықтаймыз!

Данияр өзіне сенімділік пен табандылық биік белестерді бағындыруға көмектесетінін дәлелдеді. Біз сені мақтан тұтып, елге аман-есен оралуыңды тағатсыздана күтеміз! Баршаңызды 27 тамыз күні сағат 18:45-те Астана қаласының Халықаралық әуежайында халықаралық аренада Қазақстанның намысын абыроймен қорғаған велоспортшымызды құрмет-қошеметпен қарсы алуға шақырамыз!

Күміс медаль иегерін құттықтап, «Астана» олимпиадалық даярлау орталығының қалған спортшыларына сәттілік тілейміз! Алға, Қазақстан!