ВЕЛОСПОРТШЫЛАР ИСПАНИЯДА АЗИЯ ЧЕМПИОНАТЫНА ДАЙЫНДЫҚТАРЫН ПЫСЫҚТАУДА

16.01.2025

5 қаңтардан бастап Испанияның Ла-Нусия қаласында тасжолдағы велоспорттан Азия чемпионаты алдындағы оқу-жаттығу жиыны өтуде. Аталған спорттық іс-шараға «Астана» олимпиадалық даярлау орталығының аға жаттықтырушысы В.Н. Горбачевский жетекшілік ететін алты юниор қатысып жатыр, механик - Д.А. Тупченко.

Спортшылар тізімі:

  1. Валиев Альмир – Шымкент қаласы
  2. Азаматулы Файзолла – Алматы облысы
  3. Махсутов Руслан – Алматы қаласы
  4. Чжан Кирилл – Жетісу облысы
  5. Куйтенов Мурат – Астана қаласы
  6. Риве Кирилл – Астана қаласы

Оқу-жаттығу жиынының негізгі мақсат-міндеттері:

  1. Азия чемпионына физикалық, психологиялық дайындық.
  2. Таудағы күш жаттығулары мен таудан төмен түсу техникаларын шыңдау.
  3. Жылдамдықты арттыру.
  4. Жалпы және күш километражын күшейту.

Іс-шара 22 қаңтарға дейін жалғасады. Велошабандоздар жиында біліктіліктерін шыңдап, алдағы жарыста жоғары нәтиже көрсетеді деген сенімдеміз.

Бөлісу: